完全DIY - BMW E46原廠機頭外接入力之達成!!
大家好, 我係DIYCAR既新仔, 係無意之中發現依度既, 初黎報到, 等我囉D 野出黎獻下醜先!
我架係BMW E46, 個原裝機頭經過自行改裝後, 由原裝黎既3個Mode變成依家4個Mode ----> AUX in
有左佢, 我就可以開始我下一步既工程, 就係「完全接合iPod」, 目標係:
1. iPod要有固定位置安放
2. 熄車後, iPod要自動熄埋
3. 唔會有任何電線外露
不過依家未買iPod住, 未捨得買住, 唯有做定D預備工夫先!
下面就係成件事既解說~
先前講過我係造左一條線出黎既, 而依條線就係要黎插響個機頭插頭既, 同碟箱一樣, 不過就係插響隔離。就好似下面張圖咁: (順帶一提, 如果要拔出碟箱既插, 就一定要先將Blue pin拔出黎, 如果唔係既話就會出唔到既!)
我已經將我已經知道既線位Mark好左, 如果第時有D 咩野想攪既話可以囉黎參考。
咁究竟條線係點既呢: 
依個就係條線既線路圖, 零件只有3件, 兩粒電容, 同埋一條電阻, 條電阻既作用就係要黎話俾個機頭先依家會多左一個叫AUX既Mode。而條線既兩邊就好似下面既圖咁, 駁好哂D 插頭。
Line-in果邊既RCA蓮花插頭
要黎插落去主插頭度既, 由於我唔知可以響邊度搵到好似CD碟箱果個咁既插頭, 於事乎我就走去搵左個10針既通用排插, 然後將兩邊磨窄佢, 咁就可以巖位入得到個主插頭度架喇, 針腳與針腳既距離亦都Fit哂!
整完條線之後, 由於個插頭唔係原裝既插頭, 所以係唔可以用先前所講既Blue pin去Lock死個位既, 所以就要將佢先穿過個主插頭, 然後直接插左落個機頭度先:
然後先至將主插頭連CD碟箱插頭一齊插返落個機頭度, 咁就大功告成喇!
依家, 只要按機頭上面果個Mode制, 就可以由收音機轉碟箱, 再轉單碟, 然後轉AUX, 最後轉返做收音機喇!
註: 點解01年之前既唔可以咁改法, 係因為佢地既機頭後面係無Sound system果邊既插頭既, 個位係有響度, 但係已經封左架喇! 所以一定要係Face lift左之後既機頭先至可以咁做, 而亦都因為有Sound system依個插頭, 所以先至可以有iPodYourBMW出現, 估計應該係響其他既針位度發出唔同既阻擴值, 去俾訊號個iPod既, 因為iPod佢係靠用唔同既阻值Short住個Ground, 去俾唔同既Command去iPod既, 好似Next track, Sleep等等。
